تحدث الإعلامي عن قرار رئيس الوزراء، الدكتور مصطفى مدبولي، الخاص بغلق المحال الساعة 10 مساءً، قائلا: «النتيجة الكويسة اللي حصلت إن رئيس الوزراء كان قد أعلن أنه تم تدبير أموال الطاقة، وأنه بالفعل قد تم التعاقد على شحنات من الطاقة، وأنا شخصيا كمواطن عايز النور ميقطعش، أنت هتعمله بقى إزاي وهتجيب الفلوس منين أنا واصل لمرحلة مش عاوز أناقش ده كله».

واستكمل أديب، خلال برنامج «الحكاية» المذاع عبر قناة mbc مصر، قائلا: «من القرارات المعمولة للترشيد إن المحلات تقفل الساعة 10 وإن المطاعم تقفل الساعة 1، فيه أصوات جوه المجتمع ضد هذا الأمر».

وأكد: «أغلب دول العالم تقفل بها المحلات التجارية الساعة 10، وقلما يكون فيه مطاعم فاتحة بعد الساعة 11، وطبعا فيه ناس هتقول الجملة الشهيرة أصل مصر ليها خصوصيتها، أصل ده أكل عيش وصيف، قول اللي أنت عايزه، أنا بقولك الناس بتعمل إيه وبعد كده نبقى نتكلم، لكن المحلات بتقفل الساعة 9».

وفي مداخلة هاتفية للكاتب الصحفي عضو مجلس النواب، قال «الحقيقة أنا مش لاقي أسباب موضوعية لهذا القرار، واعتقد أن هذا القرار أتخذ بسرعة شديدة جدا ودون دراسة حقيقية، لأن هذا الأمر سينعكس على السياحة، لأن إحنا عندنا سياحة عربية، وهؤلاء الناس بيخرجوا بالليل مش بالنهار، اعتقد أن هذا القرار غير موضوعي وما كان يجب أن يتخذ بأي حال من الأحوال».

واستكمل بكري، قائلا: «لو كان عندنا أزمة كهرباء كنت أتمنى أن يكون عندنا احتياطي، فهذه الأزمة لم تكن وليدة التو أو اللحظة»، وتابع: «ليه دايما نساعد على مزيد من الاحتقان، أما آن لنا أن أن نراعي مصلحة المجتمع، ونزيل من على المجتمع حالة الاحتقان اللي بقت متواجدة بفعل سياسات حكومية خاطئة ما كان يجب اللجوء إليها بأي حال من الأحوال».

اقرأ أيضاً

مصر      |      المصدر: بوابة الأسبوع   2024-07-01 11:29:58 (منذ: 2 أيام | 5 قراءة)