راندا البحيري لجمهورها: أنا مش بشتكي ومطلبتش حاجة من حد
حرصتِ الفنانة راندا البحيري، على توجيه رسالة لجمهورها بعد تصدُّرها التريند في الأيام الأخيرة بسبب ظهورها بوزن زائد في تسجيل بعض البرامج.
وكتبت راندا، عبر حسابها الرسمي بموقع التواصل الاجتماعي «فيسبوك»: «اطِّمنوا عليَّ.
.
أنا كويسة جدًّاااااا الحمد لله.
.
اللي كان مخليني مش فرحانة فترة طويلة إن كان فيه أسرار كتير وحاجات مقُلتهاش لبني آدم.
.
وحاولت أقولها للناس المعنية بحلها ومعرفتش.
.
بس بجد لما خرجت منِّي للناس القريبين الطيبين ارتحت الحمد لله جدًّا إنما فكرة الشغل وكده أنا مش بشتكي أساسًا ولا عايزه حاجة من حد، والحمد لله أنا حالتي المادية كويسه جدًّا وشغالة في حاجات كتير تانية غير التمثيل».
وأضافت قائلة: «بالنسبة للوزن الزائد اللي ظهرت بيه في حلقة الإعلامية الجميلة أوي مروة صبري.
.
فأنا كنت خارجة من دور برد قاااااسي قعد معايا شهر خدت فيه ٣ علب مضاد حيوي خدت دوا علشان أقدر أتنفس وخدت دوا للحساسية، والأدوية خلتِ المياه تتحبس تحت الجلد، ده غير إن الزاوية اللي اتصورت منها كانت مش حلوة تمامًا والإضاءة متظبطتش على وشي صح، وأنا كنت مرتبطة ببرنامجين.
.
برنامج مروة صبري وبعدها بـ ١٨ ساعة برنامج مروة عبد المنعم على قناة الشمس، بالرغم من أن الوزن الزائد مش حاجة المفروض أطلع أبررها».
واختتمت كلامها قائلة: «بس أنا حبيت أوضح مش أبرر علشان لاحظت إن فعلاً فيه ناس خافت عليَّ وفيه ناس تانية ابتدت تطلع إشاعات إنِ فيه عندي حاجة أكبر من كده، بس الحمد لله أنا بطمنكم مفيش أي حاجة وأصلاً المياه اللي تحت الجلد دي نزلت بعد تصوير البرنامج بـ ٤٨ ساعة، وأنا دلوقتي حالاً أحسن بكتير أوي أوي».
من ناحية أخرى تنتظر راندا البحيري، عرض مسلسل «شمال إجباري» بطولتها مع: صلاح عبد الله، هالة فاخر، فراس سعيد، عماد رشاد، سامح الصريطي، منير مكرم، ونوليا مصطفى.
.
إخراج محمد خضري.
.
تأليف خالد الغيطاني.
.
ومن المقرر عرضه خلال الفترة المقبلة.
مصر
3 قراءة) 
