«بوابة الأسبوع» تواصلت مع محمد عبد الوهاب عضو مجلس إدارة النادى الاهلى السابق، وأجرت معه حوارا خاصا، تحدث خلاله حول رأيه في كل ما يدور داخل المارد الأحمر حاليا.

ونستعرض ما دار في حوار محمد عبد الوهاب على النحو التالي:كيف ترى مباراة الأهلى والترجي التونسى بنهائي دوري الأبطال؟مباراة مهمة جدا جدا ولازم النادى الأهلى يخلص المباراة بأمر الله من تونس في ملعب رادس، ويحترم الخصم جيدا وميفكرش فى نقطة التاريخ بيلعب مع مين والكلام ده، ويهتم بالمباراة، وخاصة الترجى فريق كبير والفترة الأخيرة ماشى كويس جدا، ويمتلك لاعيبة مميزة.

الأهليأكيد الترجي يرغب في الحصول على لقب دوري أبطال إفريقيا ولكن بأمر الله البطولة هتكون من نصيب النادى الأهلى بشرط احترام الخصم.

ما رأيك في تعاقد الأهلى مع إمام عاشور؟بصراحة شايف الناس مكبرة الموضوع بلا داعى، إيه المشكلة لاعب سافر للخارج ومتوفقش، والأهلي اتعاقد معاه والقصة عرض وطلب واللاعب من الناحية الفنية مكسب لمصر كلها مش للأهلى بس، وبالنسبة لموضوع أن إمام أخطأ فى رموز النادى الأهلي قبل كده فاللاعب اعتذر واعترف بخطئه وأكيد مش هندبحه.

الأهليما هو سبب أزمة جمهور الأهلى مع الإدارة فى الوقت الحالى؟الأزمة أن مجلس الإدارة كان أعطى للجمهور صلاحيات ومساحة كبيرة جدا جدا طبيعى لما هتحاول تاخدها منه مش هيبقى بسهولة، وخاصة أن الجمهور بقى شايف أن ليه الحق فى حاجات كتيرة بسبب قربهم من الإدارة.

الحل من وجهة نظرى أن الأمور ترجع لوضعها الطبيعى زى زمان الجمهور جمهور والإدارة إدارة وكل حد ليه دوره اللى أكيد بيكون فى مصلحة القلعة الحمراء في النهاية.

أين الحاج محمد عبد الوهاب من النادى الأهلي في الفترة الحالية؟والله موجود وبروح باستمرار النادى الأهلى فرع مدينة نصر بجوار منزلي مع أصدقائي وعشرة العمر.

هل من الممكن أن نرى الحاج محمد عبد الوهاب في مجلس الإدارة من جديد؟أنا تحت أمر النادى الأهلى فى أي وقت وأي مكان، حتى لو هشتغل بواب على رأى رحمة الله عليه الكابتن طارق سليم.

والأهلي بيجرى فى دمى بعيد عن أي مناصب أو كراسى.

.

وكل شئ قسمة ونصيب وفى إيد ربنا سبحانه وتعالى ولو ربنا كاتب أكيد هكون موجود.

من اللاعب الذي ترغب في التعاقد معه إن كنت صاحب قرار في الأهلي؟بكل تأكيد أحمد سيد زيزو لاعب الزمالك ومنتخب مصر لاعب كبير، وبيعجبنى أداءه جدا جدا ولو كنت موجودا فعلا مكنتش هسيبه غير وهو بالتيشرت الأحمر.

7-ما رأيك في الصفقات التي يسعى الأهلي لإبرامها في الوقت الحالي؟أرفض التعليق على هذا الأمر.

رحيل الوزير العامري فاروق ترك فراغا كبيرا، ماذا تقول في ذلك؟ربنا يرحمه يارب ويغفر له العامرى فاروق أخويا الصغير وصديق الكفاح والأحلام.

.

فى عام 96 دخلنا الانتخابات مع بعض ولم يحالفنا التوفيق وبعد كدة دخلنا تانى عام 2000 ونجحنا بفضل الله.

.

كل اللى أقدر أقوله العامرى فاروق كان من أخلص الناس فى النادى الأهلى ربنا يرحمه يارب ويغفر له ويجعل مثواه الجنة بإذن الله.

مصر      |      المصدر: بوابة الأسبوع   2024-05-08 21:54:02 (منذ: 2 أسابيع | 4 قراءة)