قال الفنان أحمد رزق، إن دوره في مسلسل «القاهرة كابول»، من أكثر الأدوار مكانة في قلبه، مشيرا إلى تخوف صناع العمل من رفضه الاشتراك بالمسلسل بسبب دوره الصغير.

وأوضح أنه عندما قرأ سيناريو أول حلقتين شعر بأنه سيؤدي شخصية متكاملة ويعرف كل أبعادها قائلا: «لما رمزي هددني بالقتل قلت له أنا موافق أتقتل بس متنكرش إنها لسة وحشاك».

وأضاف «رزق»، خلال اتصال هاتفي ببرنامج «كلمة أخيرة»، المذاع خلال شهر رمضان المبارك على قناة extra news، تقديم الإعلامية لميس الحديدي، «الفن مينفعش يعيش في وسط الصراع اللي هما فيه، والشخصية اللي بقوم بدوري فيها هي اللي دفعت التمن، لا الفن ولا التسامح ولا الطيبة يقدروا يتعايشوا مع هذا الصراع أبدا، وشخصيتي كانت تتمتع بكل هذه الصفات، عاشقة للفن ومتسامحة إلى أقصى درجة وشخصية طيبة، وآخر جملة قالها قبل ما يموت حبوا بعض».

وتابع: «عبدالرحيم من المؤلفين اللي الواحد بيبقى مستمتع وهو بيمثل الكلام اللي هو كاتبه، وكل جملة لها أبعاد ومواصفات وإزاي تتأدى، والتمثيل أثناء الصمت بيجبرك عليه، لازم تعمل ريأكشنات على كل الجمل اللي بتتقال حوالينا واحنا ساكتين، ودي شطارة الكاتب وبساطة المخرج».

وعن سبب حلق شعره «زيرو»، قائلا: «أنا شوفت الشخصية، الممثل بيحصل له خيال ما للشخصية اللي بيأديها وبيحاول يجتهد أنه يوصل الخيال اللي هو شافه للمتفرج، أنا شوفته بالشكل ده، شخص مش من النوع اللي يقوم كل يوم يسرح شعره، وأعرف ناس كتير بيبقى إخلاصهم وولائهم للفن ومش عاوزين حاجة تشغلهم، عاوز يقوم من النوم ياخد دش وينزل، مشغولياته أهم من التفاصيل الصغيرة دي» .

ولفت إلى أنه صور دوره في 4 أيام فقط، خلال عامين، منهم يومين في 2020 ويومين في 2021، وبالتالي اضطر أن يحلق «زيرو» مرتين، حيث كان من المفترض عرض المسلسل العام الماضي، ولكن بسبب كثرة المشاهد خارج مصر وغلق المطارات نتيجة لكورونا فجرى تأجيل العمل لـ 2021.

 

مصر      |      المصدر: الوطن نيوز   2021-04-18 04:02:22 (منذ: 3 سنوات | 21 قراءة)