السودانيين في مصر في حيرة من امرهم واهلهم في قلق بسبب كفوات الحكومة
مازال السودانيين في مصر في حيرة من امرهم واهلهم في قلق وتوجس .
.
الناس ديل اتحبسوا في المعبر لمدة قريب أسبوعين يعني حجر و تم و في الخلا و الصقيع .
.
و في النهاية قالوا طلعت ليهم ١٠٠ الف دولار للمساعدة لإعادتهم لمصر .
.
طيب وقت أنت عندك ١٠٠ الف دولار ما تجيبهم تحجرهم هنا .
.
ال ١٠٠ الف بتدفع حق الأكل و الشراب و مرتب العساكر ال ح يحرسوهم ١٤ يوم لغاية ما يتموا الحجر .
.
و السؤال الأهم مصر قبلت ترجعهم ليه ؟ و سمحوا ليهم ينزلوا في الفنادق و الشقق عادي كيف ؟ مدير مكتب حمدوك قال للأهل القلقين على وضع ابنائهم و ذويهم و فيهم الكبير و المريض و الطفل .
.
بمنتهي السخرية قال ليهم : كورونا ده جابتو ليكم الحكومة ؟كورونا ما جابتو الحكومة لكن الحكومة جابت الكفوات الزيكم ديل .
.
ليه سمحت لطائرات الإمارات تدخل و سمحت لطلبة الصين يدخلوا و قفلت المساكين ديل ؟ هل فكرت ح يصرفوا من وين ؟ ح يعيشوا كيف ؟ أنت كدولة مسئول عن مواطنيك مش مصر .
.
الكيزان مازالوا يحكموننا