عبرت الفنانة مها أحمد، عن حبها الشديد لزوجها الفنان مجدي كامل، قائلة: «ممكن أكون حسدت نفسي عشان متجوزة راجل زي الفل، دكتور وبقالنا 30 سنة متجوزين، مسبتش البيت مرة، بيعشقني وهو سيدي وتاج راسي وجزمته على دماغي، وأنا مبعرفش اتخانق، وساعات أكون متعصبة جدًا عليه لإني عصبية شوية، ولما يخرج من الأوضة أقوله مجدي اعملي معاك شاي والموضوع يخلص، وهو استغرب ده في أول الجواز».

وقالت مها أحمد خلال استضافتها ببرنامج «أسرار» مع الإعلامية أميرة بدر، المذاع عبر فضائية «النهار»: «مجدي بيحبني عشان حلوة وأمورة ومتجددة طول الوقت والكلام ده المفروض تعمله كل الستات، وأنا بتشقلب في البيت، وبيحبني كمان عشان شبه مامته، وست مكافحة وبيدلعني بيقولي يا وزة وحياتنا كلها متخرجش بره ولو هعيش معاه بـ1000 جنيه أو 10 جنيه هعيش موافقة».

وأضافت: «جبت أجهزة بيتي كلها بالقسط ساعة الجواز، والست متسامحش في الخيانة وأنا عمري ما اتخانت وأنا ست كاملة متكاملة وقمر وبحب ادلع واتدلع، ومجدي طول عمرنا أول ما يرجع البيت بيناديني يا وزة».

اقرأ أيضاً

مصر      |      المصدر: بوابة الأسبوع   2024-03-17 00:53:05 (منذ: 1 أشهر | 2 قراءة)