نزار العقيلي: (الشر مكسب)
كنا زمان بندق جرس مع واحد من قادتنا في المباحث و بنقول ليهو الجاني الارتكب الواقعة موجود و قدام عيونا ليه ما نقبضو ؟؟ بيقول لينا اصبروا .
.
بعد كم يوم من الرصد بنكتشف إنو الجاني وراهو شريك مهم و اصبحو كده اتنين و بنقول للمدير ( اها بعد كده نقبضهم الاتنين ) بيقول لينا اصبروا .
.
بعد كم يوم تاني من الرصد و المتابعة الدقيقة بنتفاجأ لامن نكتشف إنو في شريك مهم جدا” و متورط مع باقي المتهمين .
.
و هكذا .
قيادة القوات المسلحة لو كان حسمت التمرد تماما” في الايام و الاسابيع الأولى ما كان الجيش اكتشف الخونة اللالبسين كاكي معاهو و لا كان الدنيا كلها عرفت إنو دويلة الشر هي الراعي الرسمي للمليشيا و لا كان الشعب السوداني عرف عدد الدول الاقليمية المتآمرة علي السودان و شعبه و لا كان عرفوا حجم قذارة و عمالة و خيانة و تآمر بعض القوى السياسية المتحالفة مع المليشيا و المتصالحة مع كل إنتهاكاتها الفظيعة في حق الشعب السوداني .
بلا شك استمرار الحرب سبب خسائر للشعب السوداني لكن بالمقابل حقق مكاسب اخرى كبيرة جدا ح نستشعرها لاحقا” باذن الله .
.
ما اصلو الخير بيكمن في الشر .
نزار العقيلي