رد محمد سراج الدين، عضو مجلس إدارة النادي الأهلي المصري، على المستشار تركي آل الشيخ، رئيس هيئة الترفيه بالسعودية، والذي وصفه بعبارات عديدة عبر حسابه الشخصي بموقع (فيسبوك).

وكان سراج الدين قد نشر عبر حسابه الرسمي بموقع (فيسبوك): "بعيد عن كورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر".

  ورد تركي آل الشيخ، بالقول: "هو مين الهلفوت ده محمد سراج الدين؟ ايه موقعك من الاعراب بس قبل مرد عليك يا هلفوت؟".

وواصل عضو الأهلي ردوده، قائلاً: "هو أنا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري بس افتكر أنه كان علمني كمان ان الكرامة دي أعلى وأهم صفات الإنسان وإن عمري ما اقبل أي تجاوز في حقي".

وأضاف: "انا بشفق عليك حقيقي لأنك ملقتش حد يربيك تربية سوية أو يعلمك ان مش كل حاجة المظاهر والشو والهبل اللي بتعمله ده اللي خلاك مسخة أمام العالم كله في قيم ومعاني واصول اهم وأسمى من كده بكتير بس انت معذور متعرفهاش بحمد ربنا أني اتربيت كده وانا مش بشوفك يا تركي آل شيخ من اول يوم غير واحد ناقص وجاهل وهفضل اشوفك كده على طول".

واختتم سراج الدين حديثه: "وعلى فكرة أنت مش كاسر عيني وأنت عارف كده كويس ولا عمرك هتقدر في أحلامك حتى تكسرها ولا انت ولا اتخن تخين".

فلسطين      |      المصدر: دنيا الوطن   2020-05-30 12:01:42 (منذ: 4 سنوات | 23 قراءة)