ناشد سكان مدينة المستقبل بالعجوزة، المسئولين بالحى بسرعة إيجاد حل لمشكلة الصرف الصحى، التى أدت إلى تصدع وشروخ بمنازلهم، مما يعرض حياتهم للخطر ويهدد بانهيارها فوق رؤوسهم بسبب طفح تلك المياه المستمر بطول الشارع، كذلك انتشار الأمراض والأوبئة بين الأهالى بسبب تلك المياه.

 ويقول « أحمد منصور»، أحد سكان الشارع، مشكلات الصرف الصحى لا تنتهى ولا بد من تغيير شبكة الصرف كلها، والناس كلها متضررة منه عشان البيوت باشت من المياه اللى كل شوية بتطفح، مما يهددها بالانهيار فضلًا عن تعريض حياة الأهالى للخطر بسبب انتشار الأمراض.

وأضاف «غالبية المنازل أصبحت آيلة للسقوط بسبب محاصرتها بمياه الصرف الصحي، وأن الأهالى تقدموا بالعديد من الشكاوى دون جدوى حتى الآن.

ويقول محمود فوزي، أحد سكان المنطقة كل شوية المجارى مغرقة الشارع ومش بتبان غير كل أسبوع عشان بتفضل تحت الأرض والبلاط هبط وبقى حفر يعنى ممكن ينزل بيك أنت ومش واخد بالك والحيطان هتقع، موضحا: اضطررنا نقفلها بالأسمنت وبيوتنا متبهدلة وهتقع علينا ده، بالإضافة إلى أن مواسير الصرف الصحى متكسرة كمان والمياه بتنزل على الحيطان والأرض والبيوت باشت من كتر المياه.

ويتابع المنطقة بها ١٢ بلوك كلهم غرقانين مياه وبقالنا سنين في الموضوع ده وقمنا بسد بئر كان مخصص للصرف بالأسمنت عشان الصرف كان بيطلع يغرق الشوارع كلها والمياه دى بتساعد في انتشار الأمراض والأوبئة بين السكان.

 واختتم «نناشد المسئولين بأن يأتوا إلينا ويشوفوا الوضع اللى إحنا فيه ويعملوا مراجعة لكل خطوط الصرف الصحى بالمنطقة وتغطية البالوعات بالشارع».

مصر      |      المصدر: البوابة نيوز   2019-12-09 07:44:45 (منذ: 4 سنوات | 14 قراءة)